Patriots haharapin ang Indon

MANILA, Philippines - Tangka ng nag-iimprove na Philippine Patriots, ang ikaapat na sunod na panalo at pakikisalo sa liderato sa pakikipagharap sa Satria Muda Britama ng Indonesia ngayon sa ASEAN Basketball League sa The Arena sa San Juan.

Ito ang unang pagkakataon na maghaharap dito sa bansa ang dalawang teams kung saan ang paboritong manalo sa alas-4:00 ng hapong sagupaan sa home-and-away tournament na ito kung saan ang admission ay libre.

Ang panalo ng RP Patriots ang magbibigay sa kanila ng karapatang makisalo sa liderato sa Singapore Slingers sa 5-1 win-loss record.

Tiyak na may malaking kontribusyon ang crowd support sa labang ito kontra sa Indons, ngunit sinabi ni coach Louie Alas na ang kanilang depensa ang mahalaga.

Kailangan ding mainit ang kanilang simula ayon kay Alas, para matanggal sina Indonesian imports Alexander Hartman at Nakiea Miller sa kanilang comfort zones.