Our Lady of Fatima Parish "Fiesta Run" gitakda

CEBU, Philippines - Sa labing unang higayon, ang Commission on Youth sa Our Lady of Fatima Parish (Archdiocesan Shrine) sa Basak, Mandaue mopasiugda og "Fiesta Run 2009" karong Oktubre 3.

Mao kini ang motimaan sa pagsugod sa ika-34 nga kasaulogan sa kapistahan sa Our Lady of Fatima sa Oktubre 4-13.

Ang lumba nga sugdan sa alas-5 sa buntag diha sa Our Lady of Fatima Parish grounds gibahin sa tulo ka kategoriya -- 7K Open, 5K Open ug 3K alang sa non-competing runners.

Mga ganting salapi ang nagpaabot sa top 10 finishers sa 7K ug 5K races.

Ang kampiyon sa 7K Open mobulsa og P2,000, ang mopahiluna sa ikaduha makaangkon og P1,000, samtang ang mo-okupar sa ikatulo nga dapit makadawat og P500.

Sa 5K Open, ang makampiyon makaangkon og P1,000, ang second placer makadawat og P700 ug ang third placer mobulsa og P400.

Aduna kini registration fee nga P150 (with singlet) ug P80 (without singlet).

Ang registration nagpadayon pa gihapon diha sa Our Lady of Fatima Parish convent gikan sa alas-3 sa hapon hangtod sa alas-7 sa gabii sa adlaw'ng Lunes hangtod sa Sabado ug alas-8 hangtod sa alas-11 sa buntag ug sa alas-2 sa hapon hangtod sa alas-7 sa gabii sa adlaw'ng Domingo.

Ang katapusang adlaw sa registration taman lamang karong Septiyembre 20.

Alang sa dugang pang mga kasayoran kalabot sa Fiesta Run, mahimong mo-text o tawag sa mosunod nga mga numero: 09176282029, 09222695760 ug 09228778059.

Namugna ang maong kalihukan pinaagi sa mga bulawanong hunahuna sa Commission on Youth (COY) ubos sa ilang chairwomen Agnes Labrada ug Niña Marie Tomongha sa abag ni Rev. Fr. Ignacio 'Nash' Enanoria Jr., kinsa maoy COY spiritual adviser.

Natukod usab kini ubos sa pagtugot sa ilang parish priest Rev. Fr. Joselito 'Joy' Danao. – BANAT NEWS