AMBL milubong sa McMill sa BAR-VM Rama caging
CEBU, Philippines - Gilubong sa AMBL Enterprises & Advertising ni team owner Allan Lim ang McMill Enterprises ni Mack Hapitan, 91-77 sa Basketball Association of Ramos (BAR) Vice Mayor Rama Cup 2009 basketball tournament didto sa Ramos Sports Complex sa barangay Cogon, Ramos.
Si Yokyok Alesna miposa og 12 sa iyang 17 puntos sa unang kuwarter nga nakatabang sa AMBL nga gitimonan ni Jun Felicitas pagposte og 25-20 nga bentaha.
Sila si Robert Abasolo ug Marlou Monreal mitabang sab sa opensiba aron inaton ang labaw ngadto sa 10 puntos, 49-39 sa halftime. Padayong mipabuhagay og mga puntos ang AMBL aron mapalawman pa ang lubong ngadto na sa 70-58 pagsugod sa fourth period.
Si Abasolo maoy nangulo sa AMBL pinaagi sa pag-iskor og 25 puntos, samtang sila si Monreal ug Alesna nagkumboya og 23 puntos.
Ang McMill gipangulohan ni Joel Tumulak sa iyang 22 puntos, gisundan ni Ritchie Tecson sa iyang 14 puntos, samtang si Danny dela Peña miamot og 11 puntos.
AMBL (91) - Abasolo 25, Alesna 17, Monreal 13, Jumamel 10, Feliciats 5, Navarro 5, Piñas 4, Lim 4, Gallway 2, Tejero 2, Quiroz 2, Loreto 2
McMill (77) - Tumulak 22, Tecson 14, Dela Peña 11, Cabarrubias 8, Miano 6, Albia 5, Reynes 3, Salago 2, Hapitan 2, Secuya 2, Ancot 2. - Gabby G. Malagar (BANAT NEWS)
- Latest
- Trending
