Cebu Niños milangkat korona sa Misamis Oriental leg

CEBU, Philippines – Gipanitan sa defending National Champion M. Lhuillier-Cebu Niños ang mortal nga kaaway Quezon Red Oilers, 100-79 aron paglangkat sa korona sa Misamis Oriental Leg sa 2009 Smart Liga Pilipinas Conference II niadtong Sabado sa gabii didto sa Xavier University Gym sa Cagayan de Oro City.

Ang Cebu Niños ni businessman-sportsman Michel J. Lhuillier ug coach Raul 'Yayoy' Alcoseba nipas-an sa ilang ikaduhang leg title ning konperensiyaha human sa Manila Leg ug gitak-op ang Tour Phase nga nagdala og 41 puntos nga igo na kaayo pagpahiluna sa Third Place. Ang Red Oilers ni Gov. Raffy Nantes ug coach Oliver Bunyl, ang kampiyon sa Taguig City Leg nahimutang sa Fourth Place bitbit ang 36 puntos.

Sama sa ilang unang engkuwentro niadtong Marso 11 diin nidaog ang Cebu Niños, 92-75, nagsikit gihapon ang iskor sa first half, apan miarangkada kini sa second half aron palapdan ang ilang abante. Gitapos sa Cebu Niños ang first half, 40-37 kortesiya sa buzzer beating triple ni Jercules Tangkay.

Si Marlon Basco, kinsa maoy leg's MVP nakigtimbang ni Abby Santos nga nidominar sa shaded lane sa ikatulong kuwarter diin ilang bentahaan sa scoring ang Red Oilers, 28-15. Sukad niadto wala na molingi pa ang Cebu Niños nga gipangulohan ni Santos. Si Santos miburak og 22 puntos, uban ang 12 ka rebounds, samtang si Basco adunay 12 puntos ug 11 ka rebounds.

Si Jonathan Pinera mao lang ang bugtong player sa Quezon nga mirehistro og double figures sa iyang 14 puntos, gisundan ni Jessey Garcia sa iyang sayes puntos.

PUNTOS MATAG USA

CEBU (100) - Santos 22, Basco 12, Ababon 12, Tangkay 11, Enriquez 8, Dacia 8, Dizon 8, Cavan 4, Aying 4, Mepana 4, Berame 4, Padilla 3

QUEZON (79) - Pinera 14, Garcia 9, Suguitan 8, Raymundo 8, Orias 7, Labagala 7, Chua 7, Williams 6, Macanig 5, Guiyab 3, Magsumbol 2, Canizares 2, de Leon 1  (BANAT NEWS)