14 teams lukop nasud moapil sa kompetisyon

CEBU, Philippines – Katorse ka teams gikan sa nagkalain-laing dapit sa nasud ang nipadayag nga mosalmot sa 1st Osky Cup Mabilog National Age-group Swimming Competition karong Pebrero 21-22 diha sa Cebu City Sports Center.

Gumikan niini, ang host Blue Marlins walay puas ug doble ang ilang gihimong preparasyon aron dili mapilde sa mga bisitang koponan.

Mga koponan nga nikompirmar sa ilang partisipasyon ning duha ka adlaw nga kompetisyon mao ang Aqua Sports Swim Club sa Iloilo City, Iloilo Sea Warriors Swim Club, Negros Panaad Sea Eagles Swim Club, Palawan Swim Club, Negros Oriental Golf and Country Club Swim Club, Binirayan Todpoles Swim Club sa Capiz, Silliman University Swim Club, NegOr Blue Dolphin Swim Club, Iligan Swim Club,Tangub City Swim Club, Cagayan de Oro Swim Club, Makati Swim Club, Surigao City Swim Team ug ang Zamboanga City.

Ang mga partisipante gibahin ngadto sa age-brackets nga naglakip sa 10-under, 11-12, 13-14 ug 15-above.

Aduna say mixed gender relay event alang sa 8-anyos ug paubos nga swimmers. –BANAT NEWS