Donaire-Lopez bout di madayon?

CEBU - Delikadong makanselar ang umaabot nga away ni IBF/IBO flyweight champion Nonito 'Filipino Flash' Donarie alang sa bakanteng flyweight title batok sa Puerto Rican nga si Jose 'Carita' Lopez karong Marso 15 didto sa Araneta Coliseum.

Matud pa sa taho sa www.insidesports.com, nga si WBO Asia-Pacific chairman Leon Panuncillo moparang ni Lopez ngadto sa No. 1 ranked Thai-boxer nga si Pramuansak Posuwan.

Nagkanayon si Panuncillo nga ang Puerto Rico Best Boxing Promotions nga maoy nagkupot ni Lopez nipirma na'g kontrata aron sangkaon ang Thai-boxer. Gihimakak usab ni Panuncillo ang pangangkon ni Top Rank Inc. big boss Bob Arum nga una nang nipirma si Lopez sa away niini batok ni Donaire.

Samtang ang manager ni Donaire nga si Cameron Dunkin, hugot nga mibarog nga mapatigayon ang Lopez-Donaire bout.

Gidugang usab ni Dunkin nga andam nilang sangkaon ang Puerto Rican ug lakip na si Posuwan.   (BANAT NEWS)