9 teams misalmot sa BEBA Christmas league

CEBU -  Siyam ka teams ang misalmot sa 2008 Barangay Ermita Basketball Association (BEBA) 2nd Conference Christmas tournament sa 35 years old above category nga gibuksan niadtong Domingo didto sa Ermita Sports Center.

Si North District Rep. Raul V. del Mar ug ang iyang anak nga si Cutie mitambong sab sa opening sa maong kalihukan.

Ang siyam ka mga teams mao ang Christine Jane, AC Sports, Jer-Cool, Niel Angelou, Street Warriors, St. Vincent, Tania, King Fishers ug BEBA.

Ang torneyo nahimong posible tungod sa pagpaningkamot ni barangay Ermita councilor Jun Ando, kinsa mao sab ang presidente sa BEBA, uban sa iyang mga opisyales nga sila si Chumen Sildura (vice president-internal), Medy Manilad (vice president-external, Jesus Dibdib, (secretay), Tony Piloton (treasurer), Dodong Masong (auditor) ug Vicente Bosque, Calixto Rodeka ug Gene Rosas (PROs)

Gipaluyohan sab kini ni barangay captain Felicisimo 'Emok' Rupinta.  (BANAT NEWS)