Garces, Bacus midaog sa Sinukmagay sa Linao
Nagmadaugon sila Kitsenas Garces ug Bob Anthony Bacus batok sa ilang tagsa-tagsa nga kaatbang sa "Sinukmagay sa Linao" Amateur Boxing Tournament niadtong Domingo sa gabii didto sa Sitio
Si Garces kinsa wala pa makatilaw og pilde sa
Nagpungapunga sa pagpanagang si Alcordo dihang gikaligo kini sa mga kumo ni Garces ug hapit matumba.
Pakyas hinuon si Garces pagtumba ni Alcordo, kinsa nakalahutay sa gikatakdang tulo ka hugna nilang engkwentro.
Si Garces nakaangkon og 3-0 gikan sa tulo ka hurado.
Sa iyang bahin, si undefeated Bob Anthony Bacus nakatilaw pa og sakit sa wala pa niya maangkon ang 2-1 nga nga kadaugan batok ni Paul John Caday.
Si Bacus unang mi-atake ug mibuhi sa iyang makabungog nga mga suntok sama sa nangagi niyang mga duwa.
Si Bacus mipauwan sa iyang mga kumo dihang nakorner si Caday, apan ang naulahi mibawos pinaagi sa pagtama sa iyang nagbagang kumo nga nakapabarag ni Bacus. Alisto hinuon nga nakabawi si Bacus ug iyang gidabodabohan og maayo si Caday.
Sila si Garces ug Bacus mao sab ang midaog sa “Sinukmagay sa Talisay” nga gipahigayon didto sa Cansojong ug sa Biasong sa miaging buwan.
Lain pang mga mananaog sa maong boxing card mao sila si Pacifico Villaver vs. Paul Kin Pastor (26 kgs.), Rayll Colanag vs. Emmanuel Andrino (41 kgs.), Leomark Sedantes vs. Ranel Sedentario (42 kgs.), Junel Obejero vs. Roel Padin (43 kgs.), Glen Caday vs. Alfe Larita (45 kgs.), Renante Noblefranca vs. Bryan Caparida (49 kgs.), Patrick Carcueva vs. Jonel Alastra (47 kgs.), Jovick Maranic vs. Dexter Develleves (50 kgs.), John Michael Maso vs. Romeo Britanie (40 kgs.), Del Mar Cabantes vs. Senevert Guisadio (50 kgs.), Jayford Carcueva vs. Jonathan Gimenez (53 kgs.), Noel Llanong vs. Jabelene
Obejero (55 kgs.), Jarryl Echavez vs. Jake Madelle (48 kgs.) ug si Junrel Ybañez
vs. Edward Navarro (31 kgs.).
Ang sinukmagay sa Linao gipasiugdahan sa Linao Barangay Council ubos sa liderato ni Brgy. Capt. Rod Sedemtario uban sa abag sa TACABA Promotions nga gipangulohan ni Hon. Resty 'Toto' Seville, Talisay City Sports Commission, Hon. Rudi Cabigas, ang Committee Chairman on Games and Amusement and Professional Sports ug ingon ni Mayor Soc. Fernandez.
- Latest
- Trending
