UV, USPF nanghawod sa Nestea Beach Volley Visayas eliminations
Gihurot og hakot sa Cebu teams ang titulo sa Visayas eliminations sa Nestea Beach Volley diin ang defending women’s national champion University of the Visayas (UV) ug University of Southern Philippines Foundation (USPF) nanghawod sa ilang tagsa-tagsa ka dibisyon pagtak-op sa tulo ka adlaw nga kompetisyon kagahapon didto sa University of St. La Salles (USLS) sand courts sa Bacolod City.
Ang gamhanang UV nagkinahanglan pa nga mokumbati og tulo ka sets batok sa lig-ong Southwestern University (SWU) una nila maangkon ang kulbahinam nga kadaugan.
Gipakuratan sa SWU nilang Janelle Tabio ug Florianne Gutierrez ang gamhanang UV pinaagi sa mabangis nga pangatake hinungdan nga sila si Jusabelle Brillo ug Janez Armie Igo nakamugna og daghang sipyat sa serbisyo ug hina nga duwa sa
first set hinungdan nga napukan kini,
Apan sila si Gutierrez ug Tabio wala makasustiner sa ilang duwa sa second set dihang sila si Brillo ug Igot mipakita og maayong duwa ug maoy mikontrolar sa duwa ug ingon man pag-angkon sa 21-16 nga kadaugan nga nakapuwersa ngadto sa deciding set.
Nahimong kulbahinam ang deciding set dihang ang UV milabaw lang og dos puntos, 16-14 dihang ang SWU mipahimulos sa ilang kasinatian ug sa ilang pagka-beterano sa duwa. Misamot kakulba ang duwa dihang nakitkitan sa Cobras ug miabot na lang og uno punto ang labaw sa Lancers, 13-14. Apan sila si Brillo ug Igot mihimo og kausaban ug milusad og makalisang nga pangatake aron pagpuhal nilang Tabio ug Gutierrez.
Makapahinam kay pulos teams gikan sa Sugbu ang nadala sa national finals sa women’s division.
Sila si Erika Camille Verano ug Herlene Ybarita miangkon sa katapusang luna sa Boracay human mipahiluna sa ikatulo sa ilang pagpukan nilang Jenny Torres ug Julie Anne Billote sa
Sa men’s division, sila si Jhunrey Sasing ug James Ryan Rivera sa USPF mao sab nanghawod human sa ilang 21-19, 21-16 nga kadaugan batok nilang Rolando Agus ug Arnel Amadeo sa Foundation University (FU).
- Latest
- Trending
