December 4, 2007 | 12:00am
Ang University of the Visayas (UV) miabante sa semifinal round sa Cebu Schools Athletic Foundation, Inc. (CESAFI) football competion human milansang og 2-0 nga kadaugan batok sa University of Southern Philippines Foundation (USPF) didto sa University of San Carlos Technological Center sa Talamban, ning siyudad.
Siro ug wala maka-iskor ang UV paghuman sa first half, apan ang naulahi miarangkada og mi-iskor og duha ka goals sa ikaduhang-tunga kortesiya nilang Junard Aguilar ug Frederick Alazas sa 67th ug 72nd minute.
Sa maong kadaugan, ang UV maoy nag-una sa eliminasyon nga adunay 3-1-0 win-loss-draw nga baraha nga may katumbas nga 10 puntos.
Ang UV moduwa sa fourth-ranked USC sa unang pares sa semifinals.
Ang second-ranked University of San Jose-Recoletos (USJ-R) moharong sa USPF alang sa laing duwa sa semifinal.
