UC-Blue Marlins sugod na kumbati sa Age-Group Swimming Competition

Ang University of Cebu (UC)-Blue Marlins mosugod na sa ilang kampanya sa 106th Silliman University Founder's Age-Group Swimming Competition karong adlawa didto sa Shaw Memorial swimming pool.

Ang UC-Blue Marlins swimming team mobalik sa aksiyon human kini mihunong sa makadaghan na ka higayon.

Damgo ni UC-Blue Marlins multi-titled coach Rolando Alvarez nga ila na nga mabira ang overall title sa ilang pagbalik sa maong aksiyon.

Ang UC-Blue Marlins nga nipahiluna sa ikaduhang dapit sa overall  sa ilang katapusan   pag-apil gibitoonan og 30 ka swimmers.

Ang mga pambato  sa UC-Blue Marlins naglakip sa managsuong Navarro nga sila si  Anthony III, Lyh Ann ug  Anthony Lin, Renan Tapang, Karen Indaya,Israel David,Serge Bischoco, Bethmay Arellano, Danielle Ballesteros, ang  Cañedas-Noel,Trina ug  Diane, Patricia ug  Pierre Niño Baguio, Michael ug Abigael Vega, Mary Arlette Baller, Eldy Banluta, Marlon Galo, Todd Aris Belleza, Beverly Vasig ug Warren Troy Vergara.

Mobanat sila sa nagkalain-laing age brackets gikan sa 6-under ngadto na sa 30-above class.