76ers bugbog sa Celtics
PHILADELPHIA — Bumanat si Paul George ng 36 points laban sa dati niyang tropa at may 21 markers si Jayson Tatum para banderahan ang Boston Celtics sa 123-101 pagbugbog sa 76ers.
Nagdagdag si Payton Pritchard ng 18 points, habang may 12 markers si Sam Hauser.
Tumipa si George, dinala ng Philadelphia (9-3) sa Boston (9-2) kapalit ni Jaylen Brown noong Hulyo, ng 6-of-11 shooting sa three-point range at umiskor ng 14 points sa fourth quarter.
Hindi pinansin ni Brown ang dati niyang kapartner sa Celtics na si Tatum bago magsimula ang kanilang bakbakan.
Tumapos si Brown na may 13 points para sa 76ers na nakahugot kay Tyrese Maxey ng 24 points, habang may 16 at 11 markers sina Joel Embiid at LeBron James, ayon sa pagkakasunod.
Nagsalpak ang Boston ng apat na triples sa first quarter at kumonekta ng limang tres sa second period patungo sa kanilang 62-51 halftime lead.
Nakatabla ang Philadelphia sa 79-79 sa 3:19 minuto ng third quarter bago muling naiwanan sa 87-111 sa final canto.
Sa iba pang laro, pinatumba ng New York Knicks ang Milwaukee Bucks, 117-85; sinunog ng Miami Heat ang Utah Jazz, 115-109; pinabagsak ng Orlando Magic ang Sacramento Kings, 107-100; at tinusta ng Phoenix Suns ang Los Angeles Clippers, 133-110.
- Latest
