Gorres-Montiel title duel posible sa Disyembre 9

Ang mandatory shot ni Z 'The Dream' Gorres' sa World Boxing Organization (WBO) super flyweight title batok sa Meksikanong Fernando 'Cochulito' Montiel posibleng duwaon sa Disyembre 9, mag-una og usa ka semana sa orihinal nga iskedyul nga Disyembre 15.

Si ALA Boxing Club top honcho Antonio 'Bidoy' L. Aldeguer sa iyang pakighinabi sa mga sportswriters kagahapon, nga gipahibalo siya sa kalamboan sa maong away gikan nilang Golden Boy Promotions vice president ug international matchmaker Eric Gomez ug WBO Asia-Pacific chairman Leon Panuncillo.

Matud pa ni Aldeguer nga ang binyu sa maong away ipahibawo sa mosunod nga mga adlaw.

Ang away nilang Gorres ug Montiel gi-aprobahan sa WBO atol sa ilang tinuig nga convention.

Si Gorres, kinsa mo-atras unta sa iyang trono sa OPBF flyweight aron pagpalapad sa iyang kampanya sa jr bantamweight, nagtangag og 26-1-1 win-loss-draw record uban ang 14KOs, samtang ang 27 anyos nga si Montiel, nagkupot og 32-2-1 win-loss-draw uban ang 24KOs.

Mao kini ang ikatulong pagdepensa ni Montiel sa iyang bakus sa WBO 115-pound.