Hatawan ng mga empleyado sa MGB Cup Badminton Tourney

We have fun last Saturday sa MGB Cup badminton tournament na para sa mga empleyado ng Star Group of Publications.

Grabe ang hatawan ng mga marurunong at pati na rin yung mga bago pa lamang natututo at naglaro.

Team event ito kaya paramihan talaga ng panalo ang apat na grupo-- Yellow, Red, Blue at Green-- sa men’s at women’s.

Palo dito, hingal doon ang mga empleyado na talaga namang nag-enjoy.

Pati na ang aming President/CEO na si Miguel G. Belmonte ay nag-enjoy sa panonood ng kanyang mga empleyado.

Taun-taon na ito ginanagap bukod pa sa ibang sports activities na meron ang STAR Group.

Tinanghal na champion ang Yellow team at runner-up naman ang Blue team.

Ang Red Team ang third kung saan kabilang po ang inyong lingkod, pero winner pa rin kami dahil sa dami ng supporters namin. Kaya nga gusto naming pasalamatan ang aming mga sponsors na--Waterfront Hotel, Manila Pavilion, Jupiter Arms Hotel, Microtel Inn & Suites, Astoria Plaza, Richville Hotel, La Corona, Christine Urbanozo, Palm Hotel, Robinsdale Hotel, Malayan Plaza, Herald Suites, Tierra Oriental Hotel at Craving. Maraming salamat po!

* * *

Congrats sa mga magpartner na nagwagi na sina Jo Lising-Abelgas (Metro editor ng PSN) at Rose Monsura-women’s class C winners, Babes Adriano/Mae Hernaez sa women’s class B, Mer Layson (PM correspondent) at Eugene Bacasmas-men’s class C, Mario Geocada (PSN copy monitor) at Ronnie Olpindo-men’s class B, Ogie Trias/Mario Baguio-men’s class A at sina Mabel Capco at Gerald Ortega sa mixed doubles.

* * *

May kakaibang pakulo ang PBA Draft sa Market, Market noong Sunday, kung saan kapag napili na ang mga players ng team ay sinasalubong sila ng kanilang magulang o asawa’t anak.

Wish ko lang lahat ng napili ay makapirma ng kontrata sa mga teams na pumili sa kanila.

* * *

Initsepwera muna ng Sta. Lucia Realty ang pride nilang mag-all homegrown talent sa pagpili nila kay Fil-Am Kelly Williams bilang top pick.

Na-realize nila siguro na kailangan nila ang isang tulad ni Williams kaya hindi na dapat pang palampasin ang pagkakataong ito. Malay nyo ito ang maging susi ng kanilang pagnanais na magkampeon?

* * *

Hello sa RTU people ng San Juan De Dios Hospital kung saan I have my radation theraphy everyday. Kina Dave, Geraldine, Tommy, Tin-Tin, Monique at Ramil na laging nakangiti sa kanilang mga pasyente. Mga avid readers din sila ng PSN.