Lebron James nihangop sa ilang bag-ong general manager

Gihugon-hugon karon sa mga dumadapig nga posibling mobalhin si Larry Brown sa Cleveland Cavaliers tungod sa nindot kaayo nga tanyag niini, sa laing bahin gihangop pag-ayo ni James ang ilang bag-ong general manager nga si Danny Ferry tungod sa maayong ikatampo niini gawas nga daghan na kini og kasinatian sa duwa nga basketball.

Si Danny Ferry , 38, gihulip sa gipalagpot nga general manager Jim Paxson sa miaging Abril sa National Basketball Association, kahinumduman nga si Ferry nakaduwa og 723 ka games sa Cleveland sukad 1990 ngadto sa tuig 2000.

Apan ang dakong garbo karon ni Ferry kung dawaton ni coach Larry Brown ang ilang tanyag niini isip presidente sa ilang basketball operations.

Si Larry Brown wala pa mopadayag sa iyang plano sa umaabot nga season, human sa kapakyasan pag-angkon sa titulo batok sa Spurs ni focus una si Brown sa iyang panglawas og niadto sa Mayo clinic aron magpa-check up sa iyang problema sa bladder human sa hip surgery sa miaging season.

Ang Cavaliers galaom sa mga batan-ong magduduwa uban sa ilang star guard Lebron James nga mopakita og asenso sa sunod season.

Dako osab matampo ang bag-ong general manager sa Cavaliers sanglit may-igo kining kasinatian sa kampyon kay direktor man kini sa bag-ohay palang jud nga nakampyon nga ang San Antonio Spurs.