PBA Fiesta Conference:Shell taob sa Alaska

Dahil walang import ang Shell, inaasahang manalo ang Alaska kaya sa mga ganitong situwasyon mas malaki ang pressure sa kanilang panig.

Kaya imbes na mas maging madali para sa Aces ang panalo, mas mabigat ang naging hamon para sa kanila bago hatakin ang 113-93 panalo laban sa Turbo Chargers kagabi sa pag-usad ng PBA Gran Matador Fiesta Conference.

Lumarong walang import ang Turbo Chargers matapos pauwiin si Brian Weathers na naulat na nagkaroon ng injury. Bagamat nasa bench ang dati nilang import na si Marek Ondera, hindi naman it nakasuot ng playing uniform.

Itataya ng Beermen ang kanilang malinis na katayuan sa pakikipagharap sa Red Bull (2-1) ngayong alas-4:10 ng hapon sa Big Dome na susundan naman ng pakikipaglaban ng Gin Kings sa Coca-Cola (2-1), sa alas-6:30 ng gabi.

Samantala, habang sinusulat ang balitang ito, kasalukuyang naglalaban ang Purefoods (1-3) at Sta. Lucia (1-3) bilang main game.