Collegiate basketball champs sa Champions League

Inilabas na ng organizers ng Champions League 2002, ang ultimate clash ng mga collegiate basketball champions ng bansa ang kumpletong listahan ng knockout elimination round.

Makaraan ang opening sa Nov. 10 sa Makati Coliseum, na magtatampok sa De La Salle kontra University of Baguio at University of Santo Tomas vs University of Manila, isang slam-bang do-or-die na sagupaan ang susunod.

Sa Nov. 12 na gaganapin rin sa Makati Coliseum, sasagupain ng San Sebastian College ang kasalukuyang NCAA champions ang Philippine School of Business Administration sa alas-2 ng hapon, habang titipanin naman ng Ateneo, ang UAAP title holder ang West Negros University sa alas-4 ng hapon.

Sa Nov. 13, maghaharap ang Saint Francis of Assisi at ang University of Mindanao sa alas-2 p.m., habang magkikita naman ang College of St. Benilde at ang Las Piñas College.

At sa Nov. 17, magbabanggaan ang University of Visayas at ang Jose Rizal University sa 1p.m gayundin ang University of the East kontra University of San Jose-Recoletos.

Hatid ng Petron, San Miguel Corporation, Hapee, Adidas at PLDT, ang quarterfinal ay gaganapin sa Nov. 19 at 20 at ang semifinals ay sa Nov. 24, Nakatakda naman ang best-of-three championship series sa Nov. 26 na ang Game Three ay sa Dec. 1 kung kinakailangan.