Milo Junior Netfest sisimulan sa Hunyo 28

Pupukaw ng pansin ang North Mindanao netters sa pagbubukas ng 2001 Milo Junior Tennis Cup and Regional Workshop na iho-host ng Valencia Tennis Club sa Bukidnon sa Hunyo 28-30.

Tampok sa age-groups ng Milo netfest na ito, na inorganisa ng PSA at SCOOP awardee Children’s Tennis Workshop, ang boys’ and girls’ 18-under, 16-under, 14-under, 12-under at unisex 10-under divisions.

Ang Philippine Tennis Association (Philta)-sanctioned event na ito ay suportado ng official outfitter Adidas at ng PTV-4 Saturday weekly show Sports Kids.

"Finally our junior players here in Bukidnon are being recognized. We are happy to host the first-ever Milo tennis tournament here," ani club president Dodong Polinar.

Ang ikaanim na yugto ng Milo Junior Tennis Cup and Regional Workshop ay bahagi ng malawakang junior tennis development program ng Nestle Philippines Inc.