Risacher top pick ng Hawks
NEW YORK -- Kinuha ng Atlanta Hawks si Zaccharie Risacher ng France bilang No. 1 pick sa 2024 NBA Rookie Draft.
Ito ang ikalawang sunod na taon na isang French player ang piniling top overall selection matapos si 7-foot-4 Victor Wembanyama na kinuha ng San Antonio Spurs.
Ang 19-anyos at 6’9 na si Risacher ang nagwagi ng best young player award sa French League sa nakaraang season at inungusan ang kababayang si Alex Sarr sa karera para maging top pick.
Ang seven-footer na si Sarr ay pinili ng Washington Wizards bilang No. 2 overall pick.
Ang iba pang nakuha sa top 10 ay sina No. 3 Reed Sheppard (Houston Rockets), No. 4 Stephon Castle (Spurs), No. 5 Ron Holland (Detroit Pistons), No. 6 Tidjane Salaun (Charlotte Hornets), No. 7 Donovan Clingan (Portland Trail Blazers), No. 8 Rob Dillingham (Minnesota Timberwolves), No. 9 Zach Edey (Memphis Grizzlies) at No. 10 Cody Williams (Utah Jazz).
- Latest
