EDITORYAL - Pag-withdraw sa tulo ka articles

Daghan ang nakuratan, ilabi a ang depensa sa impeachment court sa dihang gi-withdraw sa prosekusyon ang tulo sa upat ka articles of impeachment batok kang Vice President Sara Duterte.

Ang orihinal nga articles of impeachment nga giaprubahan sa House of Representatives atong Mayo 2026  mao ang Article 1, Misuse Of Confidential Funds, Article 2, Unexplained Wealth, Article 3, Bribery ug ang  Article 4, Grave Threats.

Sa kaning upat, nakompleto na og presenter sa prosekusyon ang mga ebidensiya ug mga testigos, kani ang Articles 1, 2, ug 4. Ang wala pa mahuman kaning Article 2 nga Unexplained Wealth sa bise presidente nga padayun pang gituki apan naabtan sa break sa Senado.

Gidawat ug gitugotan ni Impechment Court Presiding Officer Chiz Escudero ang withdrawal sa tulo ka artikulo. 

Ug tungod ana, puyde ng maghisgut bahin anang tulo ang si bisan kinsang miyembro sa korte sa gawas sa impeachment court tungod kay dili na kini sakop pa sa hurisdiksyon sa Rule 18 o sub juidici rule nga nagdili sa pagtuki bahin sa mga kaso sa gawas sa impeachment court.

Pero, mikisikisi ang mga abogado ni VP Duterte ani, kay dili daw makatarunganon nga giladlad sa prosekusyon ang mga testigo ug ebidensiya batok sa bise, unya wala sila tugoting makapresentar pud sa ilang habig.

Wala pay tubag bahin ana ang impeachment court kung tugotan ba ang komento sa depensa karong sunod balik sa hearing sa bulan sa Nobiyembre .

Pero dili kay karon pa ni nahitabo, nahitabo sab ni sa una sa impeachment trial batok kang kanhi supreme court justice Renato Corona. Sa walo ka articles of impeachment, lima ana ang gi-withdraw.

Unya sa tulo nga gipabilin, usa ra niini ang nakapa-kombikto kang Corona aron matangtang siya sa pagka-Chief Justice.

Para sa prosekusyon, paigo na ang Article 2 para makombikto ang bise presidente mao nga kumpiyansa sila sa ilang pag-withdraw sa tulo.