Bubot na Bayabas (127)
Isang araw, tumawag ang ate ni Apol mula sa Canada. Matagal na hindi nakatawag ang kapatid.
“Kumusta Ate? Bakit ngayon ka lang tumawag?”
“Oo nga Apol. Pasensiya ka na, busy kasi.”
“Kumusta naman kayo diyan, Ate?”
“Mabuti naman. Masyado lang malamig dito—nagyeyelo. Napakakapal ng yelo.Pinapala namin ang yelo na nakatakip sa sasakyan. Pero kaya namang pagtiisan.”
“Kaya ayaw ko diyan—malamig—hindi ko kaya.”
“Sa simula lamang yun—pagnagtagal, balewala na.”
“E kailan kayo magbabalikbayan?”
“Naku after five years pa—matagal-taga pa.”
“Mabilis na yun.”
“Marami na bang pagbabago diyan?”
“Oo. Malapit nang matapos ang subway train.”
“Talaga?”
“Oo.”
“Ano pa?”
“May skyway na at marami nang train.”
“Wow!”
Sinabi na ni Apol ang balak na pagpapakasal.
“Ate balak ko nang mag-asawa.”
“Ha? Wala ka pang nobya e mag-aasawa ka na?”
“Meron na.”
“Aba e di mabuti.”
(Itutuloy)
- Latest
