Kanhi Filipino citizen mamahimong makapalit og yuta sa Pilipinas

Dear Atty. Divine,

Ang akong igsuon naminyo og Australian ug nahimo na sab siyang Australian citizen. Gusto unta siya nga mopalit og yuta nga tukuran og balay para sa among mga ginikanan.

Ang iyang bana andam nga mohatag kaniya og kwarta alang sa paliton nga yuta basta ibutang kini sa pangan sa akong igsuon. Ang akong pangutana kun mamahimo ba niyang paliton ang property ubos sa iyang pangalan bisan kun dili pa siya dual citizen? -- Daghang Salamat. -- Queenie

* * *

Dear Queenie,

Ang usa ka kanhi Filipino citizen nga naka acquire of foreign citizenship, mamahimo pa gihapon nga makapanag-iya og real properties sa Pilipinas.

Kini basi sa Section 8, Article XII of the 1987 Constitution nga nagkanayon nga ang natural-born citizen nga nawad-an sa iyang citizenship mamahimo pa gihapon nga makaangkon og yuta sa Pilipinas apan aduna kini limitasyon.

Basi usab sa Section 2 sa BP 185 kini nagkanayon nga ang mamahimo niyang maangkon kutob lang  sa 1000 square meters alang sa urban land o 1 hectare alang sa  rural land.

Busa kun mopalit ang imong igsuon og yuta basta dili lang mosubra ang limit niini mamahimo kini nga ibutang sa iyang pangalan. Thank you and God bless. -- Atty. Divine

Alang sa inyong pangutana, palihug lang sa pag-email sa flores_divina@yahoo,com ug atong tubagon ang inyong pangutana pinaagi sa akong column matag Miyerkules, Sabado ug Domingo.