Pagpamalandong sa Malangkubong kaayohan
Ikakap-atag Usa nga Adlaw
Mga sakramental: Ang Krusipiho Sukaranang Teksto
“Apan alang Kanako, magpasigarbo lamang ako sa krus sa atong Ginoong Jesu kristo kay pinaagi sa iyang krus patay na ang kalibutan alang kanako ug ako patay na alang sa kalibutan.”
(Gal. 6;14)
Pasiuna
Ang Krus Simbolo sa atong pagka Kristohanon. Dili kita matawag nga Kristohanon kun dili kita mohangop sa atong tagsa tagsa ka mga krus. Sanglit ang krus mao man ang marka nga dili mahimong tangtangon gikan kanato. Sa matag higayon nga kita manguros nagpaila lamang kini nga kita mga Kristohanon.
Pagpalawom
1. Ang krus nagpasabot man og kaakuhan nga linugdangan sa sa atong bokasyon. Nga sa ato pa kun ikaw ginikanan krus kun imong kaakuhan ang imong mga anak.
2. Ang krus nagpasabot man og Sakripisyo nag-antos gumikan sa paghigugma. Ang gihimo sa atong Ginoo sa iyang pagdupa sa Krus usa man ka matang sa sakripisyo pinasikad sa gugma. Ug gani gipadala man siya sa Amahan ngari sa kalibutan gumikan sa paghigugma. (Jn. 3;16). Ug mao kini ang nakapahimo sa maong pag-antos nga makahuloganon.
3. Ang Krus ingon nga Kadaugan. Gibuntog ni Kristo Jesus ang karaang kaaway nga mao ang yawa didto sa balabag sa krus. Gibuntog niya ang kamatayon. Hinumdomi nga ang atong Ginoo wala magpabilin sa Krus, namatay tuod siya apan sa ikatulong adlaw nabanhaw siya. Ang yawa mahadlok gyud sa krus ug dili siya makaharong niini.
Pangamuyo
“Tungod sa timaan sa Santa Cruz sa among mga kaaway bawion mo kami Ginoong Dios namo, Sa ngalan sa Amahan, ug sa Anak, ug sa Espiritu Santo. Amen.”
Kalihukan
Karong Adlawa
Ayaw ikaulaw ang pagpanguros. Sa dili ka pa mohimo og bisan unsa, diha sa imong pagpanaw bisan asa, diha sa imong pagkatulog ug pagmata sa sayo sa buntag himoang Batasan ang pagpanguros.
- Latest
