Gustong pangasaw-on sa langyaw

Dear Atty. Divine,

Duna koy boyfriend nga foreigner. Minyo siya sa una. Pinay ang iyang kanhi asawa. Apan nag-divorce sila sa America.

Karon ang akong boyfriend interesado nga  mangasawa nako. Ang akong pangutana kun kinahanglan pa ba niyang ipa annul ang iyang marriage sa Pilipinas aron mi mamahimong magpapakasal kay sa Pilipinas man sila gikasal sauna? Unsay angayan niyang buhaton? Daghang salamat.

Jessa

* * *

Dear Jessa,

Dili na kinahanglan nga ipa annul ang iyang marriage sa Pilipinas. Ang iyang buhaton mao ang pagpa-recognize sa iyang Divorce Decree aron kini adunay legal effect or ma enforce dinhi sa Pilipinas pinaagi sa pagpasaka og Recognition of Divorce Decree ngadto sa korte.

Kinahanglan siyang motambong sa hearing og mo-testify aron pamatud-an ang legalidad sa Divorce decree nga iyang nakuha sa ilang nasud. Kun ma grant sa korte ang iyang petition, mamahimo na siyang makaminyo pag-usab human ma annotate sa iyang marriage certificate ang maong desisyon sa korte. Thank you and God Bless.

Atty. Divine

* * *

Alang sa inyong pangutana, palihug lang sa pag-email sa [email protected] ug akong tubagon ang inyong pangutana pinaagi sa akong column matag Miyerkules, Sabado ug Domingo.