Ang akong cell phone

Dominggo sa gabii human sa Santos nga Misa akong gi-charge ang akong cellphone. Kining akong cellphone gubaon naman gyud ni, kang-a na ang LCD niini ug dili na updated. Apan bisan pa man niini pinangga ko kining maong gadget. Ang OPPO A7 mao man gud ang una nakong cellphone nga touch screen. Binayran ko kini bahala na og data data. Apan niadtong gabhiona samtang nangandam ko sa akong kaugalingon alang sa Compline ako siyang gidala apan nasangit man sa siradora mao nga siya nahulog ug naguba. Bisan  unsaon dili na gyud siya maayo pa. Nasubo ko kay unsaon naman lang ang mga contact o dili ba kaha mga emergency calls. Mao nga daw malisud ang paghinanok niadtong gabhiona.

Apan sa laing bahin, dunay mensahe nga akong natugkad sa maong hitabo. Kini tungod kay sama sa uban ako pud addicted sa cellphone. Akong namatngonan nga sige na lang pud ako og tan-aw sa akong cellphone. Usahay dunay mga higayon nga nahimo naman kining balda sa akong mga takna sa pamalandong ug pag-ampo nga mao gyud unta ang akong buhat numero uno. Ug ang toxicity sa mga napatik sa posts nakaapekto man sa akong personal nga kahimsog.

Tinuod nahimo akong halayo sa digital nga buhilaman apan nabawi ko man ang akong kaugalingong luna sa pagpakahilom. Senyales na ba kaha kini sa pagpakahilom aron sa Diosnong Misteryo makapatidlum? Bugtong si Cheng Gu ra gyud ang nasayud.

Sa laing bahin, akong naamgohan nga ako dunay napaambit sa pagkaguba ni OPPO A7 ug kini ang wala kaayo paghatag og igong gibug-aton sa iyang bili. Bisan pa man kun siya butang apan sa akong pag-atiman siya nagkinahanglan man. Wala nako siya kahinloi sa mga junks nga data nga maoy nakapaluya sa iyang kusog. Pun-an pa sa mga contacts nga nagtipon-og.

Dinhi ko nakaamgo.

Bililhon gyud ang cellphone bisan og unsaon. Mao nga OPPO A7 sakit man tuod but I have to let you go. In Pace Requiscat. Nahimo ka na lang kabahin sa kagahapon. Ang imong natampo akong tipigan sa kasingasing samtang ikaw ipahimutang sa kahon.

Iyo Antoy

Ni Antolin dela Serna

Pagpa-abolish sa partylist system

Ato na kining nahisgutan dinhi, ang tinguha ni Presidente Digong Duterte pagpa-abolish sa partylist system. Ato siyang kutluon pag-usab:

“I recommend the abolition of the party-list (system). It is being used, although they are...a few, but still, they participate in the government that they wish to destroy. It’s ridiculous. They enter the government, they participate in the governance process and yet...what they really want is to destroy that government and replace it with theirs.

“The party-list system has to be scrapped by the next president. It would be as good as any other time to initiate whether to convert Congress into a constituent body or call for a constitutional convention but which is very expensive to do.”

Nindot kaayo ang intention sa balaud, apan, wala kini makatuman sa hingpit sa katuyoan niini, ug matud pa, medyo giabusahan kini sa uban, ug gihimong kasangkapan pagbuntog o pag-destroy sa gobiyerno.

Dugang pa: “Duterte has also assailed the system in one of his previous speeches, calling it an “evil” system financed by the rich and exploited by generals involved in narcotics trade.” Giingon usab nga “the system is now being used as a backdoor to Congress of rich and influential politicians.”Busa, gumikan niini ug ubang mga hinungdan, angayan i-abolish ang maong sistima.

Ambot kandtong na-belong sa marginalized sectors, sama sa mga mag-uuma ug mangingisda, nakadawat pa’g mga benepisyo ug mga kaayohan gikan sa ila kunohay’ng mga partylist representatives?

Ikaw, na-belong ka man sa marginalized sector, nasayud ka ba kinsa ang imong partylist representative? Ug unsa man ang mga kaayohan nga imong nadawat  sulod nga nangaging katuigan na-exist ang partylist system? Kaming mga senior citizens, sa lalawigan ug mga dakbayan sa Sugbo,  wa gyud!

Apan, gisugilon dinhi nga ang pagsaway ni Duterte sa partylist system, dili kay batok lamang sa gi-alleged nga participation sa mga adunahan ug sa mga nalambigit sa gidiling drugas, kundili, batok usab sa gidudahang mga walhon.

Ato kining kutluon: “Last March, Duterte accused party-list groups Kabataan, Anakpawis, Bayan Muna, Alliance of Concerned Teachers, and Gabriela of being legal fronts of the Communist Party of the Philippines, the political arm of the communist rebels.

“He had also claimed that communists are using government funds to support armed rebels.”

Of course, gi-deny kini sa hingtungdang mga partylist groups. Ang-ang!

Busa, gikinahanglan ang Charter Change (Cha-Cha) kon paghimog mga amendments sa 1987 Constitution. Unsaon man? Tulo ka paagi: Constitutional Assembly (Con-Ass), Constitutional Convention (Con-Con), ug People’s Initiative.

Niadtong naghisgot kita’g Federalism sa mga tuig 2008, si Senador Aquilino Pimentil, Jr, miuyon nga ipaagi sa Con-Ass. Matud niya: “A Constituent Assembly is more advantageous in the sense that it is a faster and less expensive process aside from being easier to manage and control.”

Samtang sa iyang bahin, si Senador Franklin M. Drilon, sa mga tuig 2018, namahayag: “Most Filipinos and legal luminaries, including three former chief justices of the Supreme Court, believed that the best method to amend or revise the constitution is through a constitutional convention (con-con) rather than a constitutional assembly (con-ass).”

Ikaw, unsay imong gusto? Ato ning  i-elaborate next time.