"Pusasi ko ninyo!"

Mao kini ang maisogon nga hagit ni kanhi Cebu City Mayor Mike Rama sa kapolisan nunot sa gideklarar niini nga miabalik na siya sa pag-asumer sa iyang katunganan sa dakbayan sa Sugbo human mapupos ang iyang unom ka buwan nga preventive suspension. Si Rama nakabalik sa Cebu City niadtong Nobiyembre 20 human sa iyang honeymoon sa gawas sa nasud.

Atol sa iyang unang pag-atubang sa media human siya nakabalik sa nasud, gipahibawo niya nga nagsugod na sa iyang trabaho diin dili na kinahanglan nga mosulod siya sa City Hall kay bisan asa mamahimo ra siya nga makatrabaho.

Dihang giklaro kong kanus-a siya mobalik sa City Hall, wala kini direktang motubag kanus-a. Apan giagni niya ang mga tawo nga mokuyog kaniya sa City Hall sanglit giinsister niya nga siya ang tinuod nga mayor nga pinili sa katawhan human siya makadaut sa eleksyon. Matud niya nga naluoy siya sa iyang administrador nga si Atty. Collin Rosell nga giaresto dihang misuway sa pagbalik sa serbisyo. Ug matud pa ni Rama nga dili siya magduhaduha sa pagpadakop sa kapolisan sa paghimo sa iyang responsibilidad isip mayor sa dakbayan.

Wala ilha ni Rama ug sa iyang legal team ang kamandoan sa Ombudsman nga nagdismiss kaniya sa katungdanan sa kasong nepostismo kay wala matud pa siya makadawat niini. Lakip sa ilang gikwestyon ang legitimacy sa pagpahurar sa DILG kang Vice Mayor Raymond Alvin Garcia nga mihulip sa iyang katungdanan isip mayor. Gani gihulagway ni Rama si Garcia nga baga og nawo ng nangilog sa iyang katungdanan.

Una nang gipadayag ni Garcia nga nahasubay sa proseso ang tanan ug igo ra usab siyang naghimo sa iyang mandato. Kong dunay lawful order nga magpapahawa kaniya sa pag-unction isip mayor sa dakbayan andam niya kining buhian kong pinasubay sa balaod. Sa sitwasyon karon, mapangutana ang katawhan kinsa man gyud kanilang duha ang mayor nga pareho man silang miinster sa ilang ang tinuod nga mayor. Kong nakamugna og kasikas ang pagbalik ni Atty. Rosell sa City Hall, mosamot kaha sa pagkagulyang niining pagbalik na ni Rama sa dakbayan nga maisogon nga mipadayag sa iyang katungod isip duly elected mayor sa Cebu City. Kong dunay kulba-hinam sa politika sa kaulohan tali sa presidente ug bise presidente sa nasud, dili pud palupig ang dakbayan sa Sugbo kay kong dili kini maresolbar ang isyu tali ni Rama ug Garcia dili layo nga mahisama gyud kini nilang Sara ug Bongbong. Atangan nalang nato kong unsa na pud ang drama nga mahitabo sa City Hall niining pagbalik ni Rama sa Cebu City nga dili gyud makatugot nga makuha gikan kaniya ang pwesto nga alang kaniya hinatag sa katawhan nga nagbotar kaniya sa nakalabayng eleksiyon.