Luyo sa ganghaan

Temang nalambigit:  Mga kausaban, pagpadayon sa panaw

Ang ganghaan simbolo sa mga kausaban ingon man sa mapadayunong panaw sa kinabuhi. Ang pagtaak agi sa pultahan ug ganghaan diha sa imong damgo simbolo sa imong kaabli diha sa paghangop sa mga kausaban sa kinabuhi. Ang pagtugot ni bisan kinsa nga mosulod sa maong ganghaan timailhan sa imong kaabli usab sa kukabildo alang sa mga bag-ong mga kahigayonan nga magahin adlaw-adlaw. Ang kawalay ganghaan o pultahan mahimong nipahigmata kanimo sa imong pagkabilanggo mismo sa imong kaugalingong kahadlok nga tungod niini malisud alang kanimo ang pagpadayag sa imong kaugalingon.  Usa sa mga nindot nga kahimatngon ni San Juan XXIII mao ang panginahanglan sa aggiornamento kon updating sa simbahan nga tungod niini nahimong kahimanan ang maong papa sa pagbukas sa Ikaduhang Konsilyo Batikano nga nakapaabli sa Simbahan alang sa mga katawhan. Adunay tipik sa kanta nga nagkanayon: “Buksa’ng Ganghaan, ug mosulod lab-as nga Hangin, Diosnon nga Kahayag Modan-ag!” Kini pud ang hagit sa maong damgo alang kanimo ug kanako ang pag-abli sa kaugalingon aron kalawaton ang lab-as nga hangin sa pagbag-o ug pagsalindot sa bisan unsang dili maayo nga nakahatag og kalang-og sa atong tawhanong kinabuhi ug panghunahuna.