Ang proseso ug han-ay sa pagdawat ug pag-atiman sa pasyente

(Ikaduhang bahin)

6. Pag-ampo aron masilyohan ang maong dapit ingon man ang mga nitambong.

7. Pahiran ang matag agtang sa Sagradong Lana (exorcized oil).

8. Pagpadayag sa Santisimo Sakramento uban ang awit niini

9. Pag-ampo aron matangtang ang bisan unsang tunglo, baligtos, gapus, ug kaulipnan.

10. Kun eksorsismo ang eksorsista mogamit sa Roman Ritual of Exorcism nga magsugod sa pag-ampo sa Litaniya sa mga Santos.

11. Sundon lamang kun unsay anaa sa Ritwal.

12.  Ang layko makahimo sa pag-ampo ginamit ang mga supplicatory prayers kun mga pag-ampo alang sa pangamuyo (nga anaa ning maong libro) apan dili sila makahimo sa pag-ampo sa mga imperative prayers kun mga pag-ampo uban ang pagmando. Gitagana lamang kini sa mga eksorsista ug sa kaparian nga makahimo og minor exorcisms.

Ikaunom nga Bahin: Ang After CARE PROGRAM

Dasigon gyud ang pasyente ingon man ang iyang banay nga kun mahimo dili mokumpiyansa human sila makalingkawas sa maong kalisdanan. Kinahanglan nga ilang panalipdan ang ilang seguridad sa espirituhanong kinabuhi. Mahinungdanon kaayo kining mosunod:

1. Pagkumpisal ug pagbiya sa atong Masalaypon nga Kinabuhi. Ingon man ang pagpangayo sa grasya nga makapasaylo sa nakasala batok sa biktima. Pagpasaylo usab sa  kaugalingong kahuyangan.

2. Pagdawat sa mga Sakramento labina gyud ang pagkalawat.

3. Pag-ampo sa Santos nga Rosaryo uban ang tumang debosyon.

4. Pagpamalandong sa Pulong sa Dios diha sa Balaang Kasulatan.

5. Pagpalig-on sa kalambigitan sugod mismo sa banay ug sa katilingban.

6. Pag-umol og support system sama pananglit sa usa ka Prayer Buddy nga moampo alang sa pasyente ug sa iyang banay.

7. Pagkondisyon sa hunahuna nga ang Dios kuyog gyud sa Kanunay. Kun anaa kita sa presensiya sa Dios dili kita makahunahuna ug dautan.