EDITORYAL - P3 milyones nga mini gipakatap na sa Negros?

Kasikbit  ra  sa Cebu ang  Negros  ug  dako kaayo  ang  posibilidad  nga  kining  giingong  P3 milyones  nga  mga  mini  nga  kuwarta  nga gipakatap  didto  sa  mga malditong  politiko  sayon  ra   kaayong  motugpa  dinhi  sa Cebu.

Kun  mini  nga  kuwarta  maoy gamiton  sa mga  mapahimuslanong  kandidato  pagpamalit  og  boto karon  pa lang daan  maayo  nang  silotan  kanang  mga tawhana  kay  kun modaug  sila , peligro  kaayo  nga  pulos  mini  ang  serbisyo  niini  sa nasud.

Nasuta  nga  mga  tag P500  nga  papel  tibuok kining  mga  kuwartaha  nga  gipakatap  didto  sa Negros suma  sa  taga  Bangko  Sentral. Ang  katagsa  ra  makakupot  niining  kuwartaha , kay  inig dawat  sa suweldo  ibayad  man  dayon  sa utang, aw  maglisud  pag-ila  sa genuine  ug  mini  nga  tag P500  nga tibuok.

Ang  masiguro  ug  dali  kaayong  maklaro  sa  tawo  sa maong  kuwarta  mao  ra usab  ang  tawo nga  nanampiling,  apan  ang  klase  sa iyang  papel  lisud  kaayong  ilhon  kun  tinuod  bang  kuwarta  o bandpaper  ba  lang.

Busa  way  laing  panagang  niini  gawas  sa paglista  gyud  sa  serial number  sa imong  tibuok P500  ug P1,000  nga  kuwarta.

Buwahan  to  kun  ang  tindahan  nga  imong  hatagan  niini  aron ibayad  sa imong pinalit nga  baligya  mosuway  og  ilis og  mini nga  kuwarta  sa imong  genuine  nga  kuwarta  sayon  ra nimo  pagsingil  ang imong tinuod  nga  kuwarta.  Apan  kun  ang  gikuptan  nimong  kuwarta  , mini  gyud, aw  kinahanglang  imo  kining  iuli  ngadto  sa gigikanan  niini.

Ang  problema  kun  nakalimot  kana  kun  diin  nimo  makuha  ang  maong  kuwarta, maoy  usa  ka  dako nimong  problema.

Hinuon  kun  gikan  kini  sa usa  ka kandidato, aw sayon  ra kaayo nimong  isagpa  ngadto  sa maong kandidato  ug  isumbong  dayon  ngadto  sa mga otoridad  aron  kini  kasilotan.

Busa  mahinungdanon  kaayo  ang  pagtimaan  sa  gigikanan  sa maong  kuwarta  nga  imong  madawat   ug  sa  paglista  sa serial  number  niini una  nimo  gastoha  pinaagi  sa pagpamayad  sa imong  utang o kaha  pagpamalit  og  mga  butang .

Kay  dako  kaayo  og  posibilidad  nga  kadtong  makadawat  niining  kuwarta  nga  gipakatap na karon  sa Negros, nagpakahilom  lang ,  unya  nangita kini  og  paagi  nga  ikaariya  niya  ang  maong  kuwarta  ngadto  sa di  suhito  moila  sa genuine  ug  mini  nga  kuwarta.