Professional shoplifters

Nalingaw ko ug medyo na-shock gamay sa usa ka tv documentary di pa lang dugay bahin sa kinabuhi sa mga shoplifters didto sa Manila. Nakabilib ko sa kaabtik ug kahanas sa maong mga shoplifter kon mananakmit og baligya.

* * *

Usa ka babayeng shoplifter kinsa maoy panginabuhi ang shoplifting sud sa daghang katuigan maka-shoplift og electric fan pinaagi sa pagsipit niini sud sa iyang bugan sinalimbongan sa iyang skirt kun palda.

* * *

Ubang mga butang nga iyang nasakmit pinaagi sa pagsipit niini sa duha niya ka paa mao ang laptop, mga selpon, karsones maong, bestida, telephone set nga nasud pa sa kahon.

* * *

Akong nasabtan sa docu nga kining mga shoplifter sa Manila dunay mura’g “marketing arm” kinsa maoy mobaligya sa mga sinakmit nga butang ug ang mananakmit kon shoplifter hataga’g bahin sa halin.

* * *

Kining babayeng shoplifter nga atong gihisgutan usa ra sa daghan nga shoplifters kon mga “tirador” nga nag-operate sa mga malls ug mga dagkong tindahan. Ang pipila kanila nadakpan na apan gipiyansahan sa ilang grupo. Nakabuhi ug nakabalik lang gihapon sa pagpanakmit.

* * *

TRIVIA. Duol na lang ang National Thanksgiving Day alang sa atong Bisayang santo nga si San Pedro Calungsod. Makiglambigit kita sa maong kalihukan ... Greetings diha sa atong mga readers sa Alumnus-Cabreros area sa Mambaling. Daghang salamat sa inyong suporta sa Banat News.