15 ka lungsod wala pay OSCA Head

Sa talaan sa mga presidente sa senior citizens ug OSCA Head sa kalungsoran ning lalawigan sa Sugbo, adunay 15 ka lungsod ang wala pay OSCA Head. Hinoon, lagmit wala pa ma-updated ang maong talaan ug dunay purohan nga lain na ang mga presidente ug mga opisyales sa kalungsoran.

Wala usab i-indicate kun aduna na bay mga Senior Citizens Center ang tanang lungsod ug dakbayan ning lalawigan. Sa atong nasayran, aduna pay mga lungsod nga wala pay Senior Citizens Center, sumala sa gibut-an sa balaud 9994 kon Expanded Senior Citizens Act of 2010. Gani, ang dakbayan sa Sugbo, utro pod nga walay Senior Citizens Center.

Anaay gihimong temporaryo nga Center … ang San Nicolas Proper Senior Citizens Center. Ang gipasibantog nga center nga atua sa SRP, nagpabiling skeleton sulod sa daghan nang katuigan nga milabay. Gani, wala poy ordinansa nga nag-officially create sa position sa OSCA Head. Maayo man gani kay gilingaw ang mga senior citizens ning dakbayan sa nagkadaku nga cash assistance nga gihatag sa city government.

Maayo gyud hinoon nga pagkalingaw. Bahala na’g walay Senior Citizens Center, basta padayon ang Cash Assistance. Kun duna untay ordinansa, ang OSCA office, duna nay kaugalingon nga budget, kaugalingon nga staff, dili mga detail gikan sa laing mga opisina ug dili na magpunay og pakiluoy pangayog funding sa higayon nga dunay kalihokan.

Anyway, ania ang mga presidente ug OSCA Head sa mga dakbayan ning lalawigan: Bogo City: Teodoro Pedrosa, OSCA Head; Marlynda Tariman, President; Carcar City: Andres Rensulat, OSCA Head; Rodulfo Gabrillo, President; Cebu City: Rolando Llaguno, OSCA Head; Felix Abella, President; Danao City: Jesus Lazaro Meca, OSCA Head; Evencio Marapao, President;

Lapulapu City: Gumersindo Aro, OSCA Head; Romeo Mangubat, President; Mandaue City: Nedy Sienes, OSCA Head; Bienvenido Gahi, President; Naga City: Angeles Dacalos, OSCA Head; Segundo Lapisgue, President; Talisay City: Fe Yap, OSCA Head; Romeo Martinez, President; Toledo City: Angelita Cañete, OSCA Head; Faustino Candelaba, President.

Kun duna may mga kausaban, please ; let us know. Si Ding Valdez sa Provincial Social Welfare & Development Office naghuwat sa updated nga mga report gikan sa kalungsoran. Sa talaan nga atong nakuha, ang mga lungsod kansang OSCA head ug presidente usa ra ka tawo, mao ang Dalaguete, Alcoy, Boljoon, Samboan, Malabuyoc, Alcantara, Dumanjug, Pinamungahan, Compostela, Poro, Carmen, Catmon, Tabogon, Medellin, ug Daanbantayan.

Sa daan nga talaan, ang senior citizen population sa lalawigan sa Sugbo, miabot og 113,885. Lagmit sa updated nga report muabot kini’g gikan sa 120,000 ngadto sa 140,000.

In the meantime, paminaw sa Senior Citizens Hour sa dyRC, 648 kHz, matag Sabado, 4:00 to 6:00 pm. Tels. 4125249; 4125298. Pakisayri kami sa kalihokan sa mga senior citizens sa inyong dapit.