Suicide Prevention Day
Dili pa lang dugay ang atong gihisgutan dinhi mao ang nagkadaghang kaso sa suicide kon hikog o panaghikog. Ni-coincide gayud sa gitakdang pagsaulog sa World Suicide Prevention Day karon Septiyembre 8, 2012.
* * *
Gikataho nga mga usa ka milyon ka tawo ang mo-suicide kon mohikog matag tuig. Gikabalak-an kini sa International Association for Suicide Prevention ug sa World Health Organization. Mao nga ilang gipasiugdahan ang World Suicide Prevention Day.
* * *
Dinhi sa ato ang misuporta sa maong kalibutanong kalihukan mao ang Philippine Pyschiatric Association ug ang Natasha Goulbourn Foundation. Kining duha ka pundok miawhag kanato sa pag-apil sa Light a Candle nga kalihukan karong Septiyembre 8 sa alas 8 sa gabii.
* * *
Ang World Health Organization ubos sa United Nations naninguha nga mokunhod ang kaso sa suicide kun dili man gani mapapas sa hingpit. Kasagaran kuno sa hinungdan sa suicide kon panaghikog dinhi sa atong nasud ug sa ubang kanasuran mao ang gibating depression o kamagul-anon o kamasulob-on sa tawo gumikan sa nagkalain-laing hinungdan.
* * *
Mao nga nalambigit sa kasaulogan sa World Suicide Prevention Day ang Philippine Psychiatric Association ug Natasha Goulbourn Foundation kang kansang advocacy mao ang pagpreserbar sa kinabuhi sa tawo.
* * *
TRIVIA. Maayong buntag sa atong mga higala diha sa Pasil ning siyudad. Salamat sa nagpadayon ninyong suporta sa Banat News.
- Latest
- Trending
