Mr. Barangay

BRGY. LOOC, MANDAUE CITY

"Ako ireklamo Sir Jun ni street cleaner nga nadestino diri sa may lto-Mandaue kay akong nasakpan nga wa gyod limpyohi tungod sa among balay kay mao daw sugo sa kapitan, maayo pang mo-resign na sila" - Dr. Danny Dionson ni Sir Jun".

BRGY. ESTACA, CONSOLACION, CEBU

 "Asir diay ko sa masiao diri sa sitio Kulo, nasuya lang nang nagreklamo diri nga among silingan kinyahay na siyang way silingan kay sige panghilabot aning among panginabuhian".

BRGY. HAGNAYA, SAN REMEGIO, CEBU

"Manghinaut mi sa taga pdea7 nga molihok na sila aning naghitak nga shabu diri sa among lugar labi na diri sa pantalan kay ang mga polis namo diri sa lungsod wa gyod pakabana".

BRGY. ALANG-ALANG, MANDAUE CITY

"Palihog mig tuktok sa among kapitan kay sa sitio liong duol sa Butuanon river daghan na kaayo’g shabu, hinaut nga aksyonan dayon kini nila arun masumpo sa labing dali nga panahon".

BRGY. BUSOGOB, SAN REMEGIO, CEBU

"Sa sitio dakit bagong baryo wala may aksyon nga gihimo ang kapolisan ug mga opisyal sa barangay kabahin aning problema namo sa illegal nga drugas, aksyonan unta dayun".

BRGY. GUN-OB, LAPULAPU CITY

"Sa sitio humayhumay daghan naman kaayo shabu diri duol ra man unta ning among lugar sa police station pero wa man gihimong aksyon arun unta masumpo ang maong illegal nga kalihukan"

BRGY. SAMBAGON, PINAMUNGAJAN, CEBU

"Magpatabang lang unta mi nimo Sir nga mapitol ning usa namo ka konsehal diri kay kun mahubog manion man og armas luoy gud kaayo ang iyang nabiktima ana kay dili ka reklamo kay konsehal man gud siya sa among lugar".

Alang sa inyong mga reklamo text lang sa 09071678643.