Ganti sa mga atleta

Dili gyud ta makaingon nga ang atong mga atleta sa Olympics wala maninguha nga makadaug og medalya kay dakung kadungganan man gud ang ilang mahatag dili lang sa ilang kaugalingon kundili usab ug labaw sa tanan, sa atong nasud.

* * *

Ug dili lang kana. Adunay balaud nga ginganlan og Sports Benefits and Incentives Act (Republic Act 906) diin ang mga atleta nga makasakmit og medalya makadawat og dakong ganti gikan sa gobyerno.

* * *

Ubos sa maong akta republika, ang bronze medalist gantihan og P1 million, ang silver medalist makadawat og P2.5 million, ug ang gold medalist makadawat og ganti nga P5 million. Kuwartang malabo.

* * *

Gawas sa cash incentives ubos sa balaud, na pay mga indibidwal nga tubig-tubigan nga mohatag sab og pahalipay nga usahay mas dako pa sa ihatag sa gobyerno. Si philanthropist ug sports patron Manny V. Pangilinan, pananglitan, kanunay’ng mohatag og minilyon nga ganti sa mga atletang mihatag og dakong dungog sa nasud.

* * *

TRIVIA. Mangumusta kita sa atong mga higalang magbabasa diha sa Danao City ug silingang lungsod nga Carmen. Daghang salamat sa inyong nagpadayong suporta sa Banat News.