Good for the heart

Ang pagbalanse sa sekolohiya o emosyon mahinungdanon kaayo alang sa normal nga kalihokan sa kasingkasing. Tungod kay mahago man pag-ayo, mas mokusog pa kay sa naandan niyang orasan sa pinitik, kun mosubra ang bation o mabatyagan, buhat o hunahuna, kalipay man o kagul-anan.

Ang paugnat sa mabaskogong paglakaw o paglihok nga madasigon ang atong kalawasan, makatabang kini nga mapundoha’g koryente ang arterya o pinong mga ugat, sa paglahutay sa kalihokan sa kasingkasing. Ato sab minusan anang pagkaong makaguba sa normal nga HDL ug LDL, tungod sa naghinubrang kolesterol gikan sa sebo sa karne o mantikaong pagkaon.

Aron malikayan ang atake sa kasingkasing, mag-anad sa pagkaon sa mga seafoods. Kundi ka ganahan naay flaxceed oil o fish oil, nga food supplements. Maayo sad kan-on ang tuna o sardinas nga tugob sa omega-3 fatty acid. Makaayo pud ang duga sa paras o grapes, saging tundan o bongan.

Sa pagkaon,makatabang pud ang lamas sama sa ahos, tangad, siling kolikot, blackpeeper. Pwede sad moinom og red wine, nga igo lang sa pahimsog.

Duna pay laing daghan nga pagkaon alang sa kahimsog sa kasingkasing. Unsay komportable mo ning tanan, buhata sa kanunay nga maatiman gyud pag-ayo ang dugokan sa pinitik sa imong gugma. Mao kini ang sukaranan o sukdanan sa kalig-on sa depensa sa atong lawas. Kay kun mahuyang nani, mahasol na ta sa pagpanimon sa mga desisyong buhaton sa kinabuhi.