Media reform!

Mao kini ang awhag ni William Esposo sa Philippine Star …kun buot kita nga ma-uplifted ang living conditions sa katawhan .. media reform. Matud niya: “Our people suffer from Information Gap partly because of substandard media reporting. The root causes of media problems can be traced to lack of proper editorial policies, too much commercialism, sensationalism and sloppy journalism.”

May pagka-tinuod. Subra ang commercialism. Maoy nagpasuwabi ang mga revenue-generating programs sa television, aron pag-improve sa network rating ug sa paghipos og daghang kwarta pinaagi sa advertising.

Mipadayon si Esposo: “TV news content went down to the level of tabloid journalism. The emphasis shifted from providing information that people need - to providing information that people want. Instead of upgrading our people’s information level, the TV newscasts pandered to the desires for scandal stories, gossip, conflict and entertainment.” May pagkatinuod sad.

Patay dinhi, patay didto; kawat dinhi, kawat didto; panglugos dinhi, panglugos didto; aksidente dinhi, aksidente didto; basura dinhi, basura didto; panghold-up dinhi, panghold-up didto; pangabit dinhi, pangabit didto; shabu dinhi, shabu didto .. ug unsa pa na diha nga mga sensational nga hitabo, pakapinan og mga tsismis, mao kini ang mi-dominate sa atong mga balita … as if wa na lang gyud tay nahimong maayo. Busa, media reform, awhag ni Esposo. 

* * *

Over acting. Eksakto si Senate President Juan Ponce Enrile sa iyang pag-ingon nga mi-over-act kita, nga tungod sa hagit ni Corona, medyo natarantar ang uban natong mga lider kun mopirma ba sila’g waiver o dili, bahin sa ilang mga bank deposits.

Pastilan, mora na man hinoon ta ini nga kitang tanan mga kawatan … nga kinahanglan pahibaw-on ang publiko kun pilay atong bank deposits. Kitang mga Pinoy duna gyuy tendency to over react. Mga OA kita. Hangtud ang mga kandidato pagka-Chief Justice, buot natong ma-transparent pinaagi sa pagpirma og waiver bahin sa ilang mga bank deposits … ug ipa-cover sa media ang ilang pag-interview sa Judicial and Bar Council.

Pastilan, tungod lang ni Corona, wala na kita’y pagsalig sa isig-usa kanato?

* * *

Mga Pinay ang miawit sa mga national anthem sa Pilipinas ug sa America sa Pacman-Bradley bout . Si Jessica Sanchez (17 years old), sa American Idol, miawit sa Star Spangled Banner, samtang ang Lupang Hinirang giawit ni 14-year old Kirby Asunto sa New Jersey. Si Kirby midaug usab sa mga national competition sa Access Broadway Groton, Philippine-American Idol sa New Jersey ug sa New Rising Star in Washington.

Abante pa, Pinoy!

* * *

Talented kitang mga Pinoy. Daghan kaayo tag abilidad. Ang nakadaut lang kay tua sa politika mahapunta ang atong pagka-maayong lake. Napasagdan ang mga talent nga makapauswag unta sa nasud, sama sa pag-produce og daghang bugas aron dili na unta kita mamalit niini gikan sa mga nasud nga di-kamaong mo-Inengles.

Talented kitang mga Pinoy … apan, tua sa graft and corruption mahipunta ang maong mga talent. Nga kun ang atong mga talent gigamit lang sa husto, bulahan na unta kining atong nasud. Dili na unta nato kahinginlan ang kaigsoonan tang mga Pinoy pag-adto sa ubang kanasuran aron mabuhi aron didto mabuhi. Di ba, Dro?