Brigada hahahaha! (Dihay tigom sa tulonghaan)

Senyang: Akong gipahibalo sa mga ginikanan nga duna tay brigada eskwela.

Mano: Ah! Mam apil ko ana kay taas kay ko og eksperensiya anang brigada.

Senyang: Mao ba sir! Very good sa diin man nga school?

Mano: BBRC Mam brigada otso, ten years(Toink!/Aguy!)

Hehehehehehehehehehehe!

“Hello klase, goodbye limpiyo” na ang unang adlaw sa pagbukas sa adlaw tingtungha karong Hunyo 4 tuig 2012. Mao ni katuyoan sa brigada eskwela. Usa ka semana nga pag-atiman sa mga kakulangan, gikinahanglan ug paglimpiyo sa tulonghaan. Sa ato pa sa unang adlaw sa klase sentro na sa pagtuon ang mga kabataan.

(Dihay bana nagabhian pag-uli)

Senyang: Diin man ka Bitoy nga alas 12 na man sa tungang gabii.

Bitoy: Niapil ko sa brigada Day.

Senyang: (Suko) UNSAY BRIGADA! NGA ANG BRIGADA ESKWELA KUTOB RA MAN SA ALAS SINGKO SA HAPON!

Bitoy: Dili man brigada eskwela Day.

Senyang: UNSA MAN DIAY NGA BRIGADA?

Bitoy: Kuaan Day! Brigada Inoma(Toink!/Ayay!)

Hehehehehehehehehehehe!

Nasakripisyo man ang panahon sa mga ginikanan sa mga boluhaton sa panimalay dako og natampo ang gigahing panahon pagpahapsay ug pagpahiluna sa lugar diin umulon ang edukasyon alang sa hayag nga ugma sa kabataan.

Makaiban sa tinuig nga problema sa kakuwangan sa lawak saringan ang hiniusang pagpakabana ug pagpanginlabot sa mga magtutudlo, ginikanan ug mga tinun-an pag-andam sa matag tulonghaan.

(Dihay apo nananghid sa apohan nga medyo dili na kaayo kadungog)

Siana: Lo moapil ko sa brigada eskwela.

Mano: bistida nipisa!

Siana: Brigada eskwela!

Mano: Ah! Birada espada?

(Bata nasuko nisingka)

Siana: BRIGADA ESKWELA!

Mano: Oy! ayaw kog singgiti apoha ka kay dili ko bungol! Na hala lakaw pero uli dayon ha! Kay dili maayo nang barkada barkada (Toink!/Aguy!)

Hehehehehehehehehehehehehehehe!

Hinaot ang kahago sa mga ginikanan sa brigada eskwela hingpit mapahimuslan sa mga kabataan. Dili unta masayang ang dalaygon nga proyekto sa Departamento sa Edukasyon pagdasig sa mga ginikanan sa pagtampo sa ilang panahon nga maayong ehemplo sa atong kabataan.

(Dihay nasakpan kawatan sulod sa eskwelahan)

Buloy: Hoy! Kawatan ka?

Bitoy: Dili bos oy!

Buloy: Nganong nia man ka sa eskwelahan gabii na man?

Bitoy: Kuan bos brigada eskwela.

Buloy: Alas singko ra man kutob.

Bitoy: Kuan ni ako Sir overtime(Toink!/Ayay!)

Hehehehehehehehehehehe!

(emailad:[email protected])