BRGY PARDO, CEBU CITY

“Daghan naman kaayo ang dispatcher diri sa among lugar labi na diha sa atubangan nga bahin sa Pardo police station samok kaayo namong mga driver unya ang uban ra nila ana mga snatcher, wa gyud kabadlong mga polis ana nila.”

BRGY ADLAON, CEBU CITY

“Sir wala gyud tawon pakabana among mga opisyal sa barangay bahin aning among problema sa karsada nga gubaon na kaayo, kun mangayo mig tabang dili ra man nila panumbalingon uy.”

BRGY LAWAAN 1, TALISAY CITY

“Magpatabang unta mi nimo sir Jun bahin aning among poste sa suga tungod gyod sa Talisay Ice Plant nga butangan unta’g suga kay ngitngit kaayo ang lugar kuyawan tawun ang mga tawo nga moagi diha.”

BRGY TINAGO, CEBU CITY

“Amo lang hangyo sa mga opisyal sa barangay nga susihon nila ang mga fire hydrant labi na diha sa may dalan Mabini corner Bonifacio kun naa ba na sa eksaktong lugar kay kuyawan mi nga dili na magamit kun dunay sunog sa among lugar.”

BRGY PULANGBATO, CEBU CITY

“Dili na gyud mabangbang ang illegal nga drugas sa among lugar Sir kay bisan mga minor de edad makamao naman mosuyop og shabu, maayo unta nga mahatagan nig dinalian nga aksyon sa kapolisan ug sa mga opisyal sa barangay.”

BRGY LABOGON, MANDAUE CITY

“Naunsa naman ning among lugar diri sa sitio Canumay nga wala naman gyud magtagad ning among mga opisyal sa barangay labi na sa among kapitan bahin aning libaongon namong karsada, maglisod nag sulod ang mga tricycle.”

BRGY OBONG, DALAGUETE, CEBU

 “Unsa may mahimo nato aning sugal diri sa among barangay sir Jun nga wala man gyud masulbad mura mag untouchable sa mga polis ang nagpasiugda ani kay wala man gyud ni mapahunong.

BRGY ESPERANZA, ALOGUINSAN, CEBU

“Magpatabang unta mi nimo Sir hangyo sa gobernador nga aspaltuhon unta nila ang provincial road gikan sa among barangay hangtod na sa brgy Olango kay grabe na ka guba unya dugay naming nag-antos aning problemaha.”

BRGY PUNTA ENGAÑO, LAPULAPU CITY

“Sir Jun naunsa naman intawon ning basura diri sa sitio Malingin nga adto naman hinuon ilabay sa dagat hugaw kaayo tan-awon ilabi na ang mga plastic, wa man gyu’y aksyon among mga opisyal sa barangay.”

BRGY BASAK, CEBU CITY

“Diri sa Bontores naay daghan nag-operate diri og mga video karrera machines ug bingo machine mao untay unahon sa mga polis pagdakop dili ang tong-its nga ginagmay ra man intawon na.”

BRGY CALAMBA, CEBU CITY

 “Hangyo lang unta mi sa among mga opisyal nga hatagan og aksyon ning naghitak nga illegal nga drugas kay daghan na kaayo ang tiggamitan nga mga batan-on, daghan na kaayo nagumon sa illegal nga drugas.”

BRGY CAYAM, MINGLANILLA, CEBU

“Amo lang unta ipasusi ning naghitak nga drugas diri sa Tiber kay daghan na kaayo ang namaligya unya ang mga manuyopay kay hapit kada gabii magbahasbahas sa among lugar.”

* * *

Alang sa inyong mga reklamo text lang sa 09071678643