Supremo

Padayon mang gawasnon karon ang supremo sa Philippine Benevolent Missionaries Association sa mga kamot sa balaod wala makaipsot sa bugalbugal ug komedya nga mikatap karon ang pinangita nga si PBMA Master Ruben Ecleo Jr.

Naapil pa intawon sa pasiaw nga mikatap pinaagi sa text ang gipatay nga asawa nga si Alona Bacolod Ecleo.

Bitoy: Kahibawo ka Loy nganong gipatay ni Ecleo si Alona?

Buloy: Ngano man daw Toy?

Bitoy: Sigehan man daw og sungog ni Alona.

Buloy: Ha! Unsa may isungog ni Alona?

Bitoy: Ruben (Ecleo) Ikli-iyo, Ruben (Ecleo) Ikli-iyo (Toink/Aguy!) Hehehehehehe!

Lakip na sa napagan ang kahugpongan mismo. Ang bag-ong meaning matud pa sa PBMA karon.

P – Patagoa

B – Bag

M – Maayo

A – Ang Supremo!(Toink!) ug ang laing kahulogan “Philippine Benevolent Magtagotago Association” (Aguy!)

Akong higala nga sakop sa asosasyon mihulagway nga angay ug matarong lang nga respetohan ang kahugpongan bisan sa salaod karon nga giatubang sa ilang labaw.

Labaw nang dili angay dudahan matud pa niya ang matagtsapter sa bisan asang dapit nga gitohuang posebling tagoan sa ilang supremo.

Matud sa akong higala nga human sa dugoong hitabo sa Lungsod sa San Jose sa Isla sa Dinagat niadtong unang pagdakop kang Ecleo dako ang iyang pagtuo nga dili na makatugot ang ilang supremo nga maduhig pa ang mga matinud-anon nga miyembro sa kahugpongan.

Ang dakong pangutana! Tinuod kaha nga walay kasayoran ang kapolisan sa iyang nahimutangan?

Sa iyang bahin si Talisay City Councilor Danny Caballero nga miangkong higala ni Ecleo ug aktibong miyembro sa kahugpongan miingon dalaygon ang pagtulon-an sa PBMA. Gani sa iyang personal nga kasinatian dako kaayo og natampo sa unsay iyang naabot ug nahimutangan karon ang pagtulon-an sa asosasyon. Og kun mahitabo nga ikahabalad niya pag-usab si Ecleo motabang siya pagkombinser pagtahan sa balaod. Sa pangutanang tinuod ba nga dunay pangyamyam ang mga sakop sa PBMA? Matud ni Konsheal Caballero wala siya nianang maong abilidad.

(Hisgot tag abilidad dihay tadtad nanghambog sa iyang mga kauban nga wala siya palupig sa Muslim og pulahan pag-order og imnonon)

Bitoy: Ang Muslim bay misinggit sa tindira “Imnon-non kanang tatak agila” yarok dayon akong gilili ang ngalan sa botelya “gold eagle”.

Buloy: Unya bay?

Bitoy: Ang pulahan misinggit sad “ tagai kog tatak kabayo” yarok dayon akong gilili ang ngalan sa botelya “red horse”.

Buloy: Ah! Ngilngiga unya bay?

Bitoy: Asa ta palupig, kita man kog botelya nga dunay itik ako dayong giingnan ang tindira “kana ako tatak itik” yarok dayon naku hastang parata pero ako gyung gihurot.

Buloy: Ngilngiga! gitan-aw nimo bay unsay ngalan sa botelya paghuman nimog yarok?

Bitoy: O bay “Silver Swan”!(Toink!/Ayay!)

Hehehehehehehehehehehehehehe!

(emailad:[email protected])