Cross cutting

Kun dunay cross cutting sa budget mas maayo nga dunay cross cutting pud sa mga tawo ingon man sa imong ipamulong. Maayo man nga dunay partisipasyon ang matag usa kanato sa usa ka desisyon nga pagahimoon. Apan ang nakadaot kay daghan man tuod ang tawo nga molingkod alang sa usa ka tigom, apan kasagaran nila mga sakop sa silent committee. Kun diha sa balay daghan ang mga tawo apan ang uban kanila mga sakop sa DAWLIMS Group. Huwat lang pakan-on ug paimnon, mga dagko og lawas apan mga tapolan. Sama pananglit sa imong mga pulong,dili na kinahanglanon ang walay kataposang yamyam. Paigo na ang Subject Copula ug Predicate nga Sentence kun buot nimong ipadayag ang imong punto.

Mahinungdanon ang cross-cutting aron dunay mahabilin ug malikayan ang bisan unsang pagkausik. Ang tanan angayang daginoton aron walay sayang.Sa paghigugma mag-cross cutting ka ba?” Ang tubag: “Ang gugma itagana lamang niadtong nagkinahanglan niini ug sa tawo nga modawat niini. Kay usik kaayo nga ihatag mo ang kinatibuk-an ngadto ni bisan kinsa nga dili buot mosabot kun unsa kini.