Sugbuanong Kano

Samtang nag-shopping didto sa usa ka mall sa Quezon City si Pastor Arsenio Lutang usa ka pastor sa usa ka Protestanteng simbahan didto sa Mindanao, nakadungog og usa ka Amerikano nga nagsulti’g Tinagalog nga sinagulan og Cebuano.

* * *

Tungod kay nahimuot siya sa wa magkadimaong Tinagalog sa Kano, giila-ila sa Pastor ang maong Amerikano. Nagsinultiay sila’g Cebuano.

* * *

Nahingangha ang mga Tagalog shoppers sa Kano nga lareno man kaayo mosulti’g Binisaya, apan nagkagidlay sa iyang Tagalog.

* * *

Ang Kano, nga nagpailang si Raymond Rivers (“Tawga lang ko sa akong angga nga Monching,” matud niya), former GI. Nakapuyo og lima ka tuig sa Cebu apan didto gyud nadugay sa Iligan diin siya naminyo.

* * *

Ingon niya tagsa ra siya moadto’g Manila, mao nga dili kaayo siya maayong mosulti’g Tinagalog.

* * *

Bisan gani kun mosulti’g Iningles dunay sagol nga Cebuano. Ang iya man gud nga asawa dili maantigo mosulti’g Iningles, mao nga napugos siya og sulti’g Binisaya sud sa ilang bay.

* * *

“Alegre kaayo estoryahon si Monching (ang Kano),” matud pa ni Pastor Lutang. “Maayo’g sense of humor...Ang iyang mga jokes lumad Binisaya.”

* * *

TRIVIA -- Greetings sa atong mga higalang taxi ug PUJ drivers. Salamat kaayo sa inyong suporta sa Banat News. (With JVJ)