Mogula matag Martes ug Biyernes

Instruction ni Mayor Mike Rama kang Ms. Belinda Navasquez sa gipahigayon nga miaging duha ka adlaw nga Planning-Workshop sa mga Senior Citizens ning dakbayan: “Ayaw sila’g biyai, ayaw pasagdi. Stay with them up to the last day.” 

Ug mao kini ang nahitabo. Isip Secretary to the Mayor, lisud alang kang Ma’am Belle nga ma-waa sa city hall sulod sa duha ka adlaw. Apan gumikan sa tinguha ni Mayor Rama nga matagad in full ug kahatagan sa hingpit nga attention ang mga senior citizens ning dakbayan, mi-“absent” siya sa buhatan sa Mayor ug nakig-uban sa mga delegado sa 80 ka barangay chapters sa mga senior citizens.

Nindot kaayo ang attendance ug puno sa kasibot ang 79 ka delegado, diin pagka-sunod adlaw, nga usually, sa atong naandan, daghan na ang dili motunga, apan, 100 percent gihapon ang nanambong.

Actually ang dakung katuyoan sa maong tigum mao ang pagpili sa tulo ka nominee pagka-OSCA Head. Apan, sa ikaduhang adlaw, mas nagmadasigon ang mga senior citizens, sa diha nga ang tibuok adlaw, gigahin alang sa pag-plano alang sa mga kalihokan sa senior citizens sa tuig 2012.

Labina nga gianunsiyo ni Belle nga duna nay budget alang sa mga senior citizens, busa gikinahanglan ang pagplano kun unsay dapatan sa gahin. Enthusiastic kaayong mi-participate ang mga delegado, ug natataw kun mag-unsa ang mga senior citizens sa sunod tuig.

Sa akong nahibaw-an, una kadtong higayon nga milingkod ang mga senior citizens ning dakbayan alang sa usa ka planning-workshop. Naghulagway sa hingpit nga support sa city hall alang sa mga senior citizens.

Ug gipahibawo diay ni Mayor Rama nga mahinayon gayud ang simultaneous nga pagpanghatag sa balance nga P3000 nga cash assistance karong Dec. 8.

Kaabag nila ni Ma’am Belle, Jeffrey Ocampo, Executive Asst. to the Mayor, ug former DSWD Regional Director Mat Mercado, pagpahigayon sa planning-workshop, sila si Rose Bagalay (emcee), Jhun Villahermosa (Frank Sinatra of the Visayas), Dorothy Mae Acabo, Eresita Rosaldo, Ildebrando Sagardui, ug Romy Ledesma.

Samtang ang mga election committee members gilangkoban nila ni Rolando Basirgo, Rustico Aguhar, ug Rudy Albano sa Nomination Committee; sa Registration ug Credentials, sila si Carmen Gabucan, Jovita Padilla, Boy Antig; Election committee: Filomeno Panilong, Olivia Tiambeng, Sonia Telebangco; Board of Canvassers: Conchita Lugo, Lucio Bacardo, Consolita Solon, ug ang Election Supervisor, gipangunayan gyud ni Director Pat Gabuya sa DILG.

On the whole, dakung nagmalampuson ang duha ka adlaw nga affair. Kun pilay nagasto sa city hall sa maong kalihokan, wala kadto makawang. It was worth it. In fact, let’s have more of it. Belle?

In the meantime, paminaw ug interact sa Senior Citizens Hour, 4:00-6:00 pm matag Sabado, DyRC, 648 kHZ, Tels. 4125249, 2388173.