Ang gahum karon ug ugma damlag

Usa ka panultihon sa Iningles nagkanayon: “Here today gone tomorrow.” Daghang butang ug situwasyon ang mahimong aplayan niini.

* * *

“Here today gone tomorrow.” Ang ania pa karon mahimong mawala na ugma. Maingon-ingon niana ang kahulugan sa maong panultion sa Iningles.

* * *

Mahimong i-aplay kini sa gahum sa usa ka lider ... Pananglitan ang gahum ni Saddam Hussain, Moammar Gadhafi, Ferdinand Marcos, ug uban pa, kinsa gamhanan kagahapon apan nawad-an sa gahum pagka-ugma.

* * *

Mahimo sab kini i-aplay ngadto ni kanhi Presidente Gloria Macapal Arroyo. Powerful kaayo si GMA sa iyang panahon apan sa dihang nahug na sa poder, murag mabalian og pako. Gihansakan og daghang seryosong mga kaso, usa niini mao ang kasong plunder.

* * *

Bisan ang gusto niyang magpatambal sa iyang sakit didto sa Amerika gibabagan ug nagkapuliki ang iyang kampo sa pagsulbad sa problema.

* * *

Kining atong gikutlo nga panultihon -- “Here today gone tomorrow” -- angay nga kanunay’ng isud sa panumduman sa mga lider sa nasud, ilabi na kadtong nagpasaway ug nagpabadlong sa katawhan.

* * *

TRIVIA -- Greetings to our friends diha sa Tagbilaran. Daghang salamat sa inyong way hunong nga suporta.