Ang puhonan

Ang atong ebanghelyo karon mamahimong gamiton ingon nga usa ka maayong sanglitanan alang sa mga kapitalista ug kanila nga nahilambigit sa bisan unsang negosyo. Ang tumong ug tuyo, gikinahanglan gyud nga mokita. Ang duha ka mga sulugoon nahimong nahisama sa ilang agalon nga nakakuha og ginansiya. Samtang usa nasilotan kay wala’y ikapakitang ginansiya. Apan wala giklaro kun sa minaayo ba nga paagi ang gipakitang pagpadaghan sa kuwarta. Mahimo kaayo nga nahimo kadtong maong ginansiya diha sa pagpanikas ug pagpanglupig.

sa laing bahin, ang ebanghelyo nagdapit kanato nga mobansay sa atong “Pagkamabuhaton” (creativity) uban ang maximum nga paghatag sa kinatibuk-an sa atong kaugalingon diha sa bisan unsang kahigayonan sa kinabuhi. Diin imong palipangon ang imong talento aron sa ingon makahatag ikaw og bunga dili lang diha sa imong kinitaan ug hinagoan kun dili usab diha sa imong kinaiya ug sanglitanan.