Negosyo sa prisohan

Diha toy balita nga sa usa ka prisohan didto sa Mindanao dunay pipila ka mga guwardiya nga namaligya ngadto sa mga binilanggo og sigarilyo ug gamay’ng mga pitsi-pitsi nga butang nga magamit sa mga priso.

* * *

Gamay ra ning negosyoha kun itandi sa negosyo sa mga guwardya sa prisohan didto sa China. Didto sa usa ka probinsiya sa China dunay mga guwardya sa prisohan nga namaligya og luho ug mahalon nga mga butang ngadto sa mga piniriso.

* * *

Nadakpan ug gibutyag sa media nga dunay mga prison guards sa Hebie Province nga nag negosyo aron kapun-an ang ilang income kon kita nga grabe kunong gamaya.

* * *

Suma pa sa balita gikan sa Shanghai Oriental Morning Post ang gibaligya sa mga guwardya mga luxuries sama sa pure-breed dogs, spirits (kun bino), mga cellphone, ug uban pang mga butang nga gidili sa mga piniriso sa pagkupot.

* * *

Nahibaw sab ug gi-expose gihapon sa Shanghai daily nga haguka kaayo ang seguridad sa prisohan sa pipila ka mga bilangguan sa China. Naa kunoy mga prisohan diin ang mga piniriso adunay ilang duplicate nga mga yawe sa bilangguan.

* * *

Kining mga kalapasan nabutyag sa media bisan pa sa ka-estrikto sa otoridad kabahin sa mga ingon niining butanga. Apan gipasagdan ra sa maong otoridad kay nakatabang sa pagkorek sa sayop nga pagpadagan sa prisohan sa gihisgutan nga dapit.

* * *

TRIVIA -- Maayong buntag diha sa atong mga higala sa luyo sa kaniadto Rubberworld sa Mambaling. Ilang ginganlan kini karon sityo Back Rubberworld. Salamat sa inyong nagpadayong pagsuporta kanato.