World' fastest computer: Made in China

Mao na kini karon ang China, gihugonhugon nga ma-world power, dunay purohan nga maapsan pa ang America. Ug samtang kita dinhi sa atong nasud nga ngilngig kaayong mo-Iningles, mga bright, kutob ra sa ukay-ukay, habalhabal, pedicab ug mga tricycle, ug surplus nga mga multicab. You call that progress?

Ginganlan og Tianhe-1, sa ato pa, Milky Way, kining maong supercomputer adunay speed nga 2,507 trillion calculations, ug 1.4 times faster kay sa labing paspas nga computer sa America.

Dili kini ang unang higayon nga ang America naapsan sa pagpanggamag computer. Sa 2002, ang Japan mimugna og usa ka matang sa computer nga mas powerful pa kay sa 20 ka American computers put together.

Ang Pilipinas, unsa man? Naglibog kun hain karon si Sen. Lacson, naglalis kun maayo ba ang RH bill, nagkwenta kun pilay nasapi sa kadagkuan sa GOCCs ug sa Senado, nahadlok pagpitol sa corruption, nag-atang kun mo-rate ba ang Willing Wellie, ug dinhi sa ato, naghuwat kun magkabuwag ba gayud sila si Tommy ug Mike.

Unsaon nato pag-uswag ini, Dro? 

* * *

Sa Senado, giingon nga ang napulo ka top executives, “enjoyed extraordinary and miscellaneous expenses amounting to P1.083 million” matag usa kanila. Ngiga nila no?

Unya, dugang niini, aduna pa konoy ‘personal allowances.’ Matud pa, “these are allowances not for use to upkeep their offices but for their own personal allowances, different from the ones provided under the Salary Standardization Law.” 

Samot kangilngig. Ingon, pobre kono ang atong nasud!

* * *

 Mora mag nahilom ang mga sugyot nga patas-an ang buhis sa sigarilyo. Dugay na kaayo ni nga mga laraw, apan, gamhanan tingali kaayo ang mga cigarette manufacturers nga dili man ka-dulot ang atong gobiyerno.

Usa kini sa mga lakang pagsanta sa mga smoking-related nga mga sakit. Dinhi sa atong nasud gibanabana nga adunay 90 mil ka Pinoy ang mamatay matag tuig gumikan sa smoking-related diseases. Ang World Health Organization, mi-approximate nga matag tuig, mga 200,000 ka Pinoy, ang mo-develop og mga smoking-related during their productive years unta.

Di ka motuo? Na, hala!