Si Rossel Ursal ang habal-habal driver

[email protected]

Usa sa akong gimisahan mao ang namatay nga si Rossel Ursal, 27 anyos, usa ka habal-habal driver. Tungod sa tumang kamatinabangon sa mga tawong nagkinahanglan, nakalas gyud ang iyang kinabuhi. Gigukod niya ang mga tulisan nga mipusil patay kaniya. Nahimong biyuda ang iyang batan-ong asawa ug nahimong ilo ang iyang anak. Kun ingon ini pa lang unta ang matang sa kaisog ang ipakita niadtong dunay katungod nga mohupot og mga armas aron mosumpo sa mga dautang elemento, dako gyud unta ang agi. Kay unsaon man kun naa ka sa posisyon kon magpunay ka lang og pa-cute bisan kun dagway mo hagip-ot?

PAMALANDONG

Dalaygon ug bayanihon ang gipakitang kaisog sa maong habal-habal driver. Kusog kaayo kitang midayeg kaniya ning mga panahona. Apan lagi ang pangutana mao: “Hangtod asa man kutob ang tanan? Unsa kaha ang kongkretong mahatag nato alang sa iyang pamilya? Ug kay naghugpa man ang kriminalidad karon sama sa tulis, dili lang ba kita manginlabot sanglit, dili man kita ang apektado?