Angayan bang i-privatize and Pagcor?

Mao kini ang mga hunahuna ni Presidente Noynoy Aquino, pagbaligya ug pagtugyan ngadto sa mga kamot sa private sector, sa Philippine Amusement and Gaming Corporation (PAGCOR).

Kun ang mga obispo ug kaparian, maoy atong pangutan-on, uyon kaayo sila niini, sa kondisyon nga i-regulate gyud ang pag-operate niini, dili kay pagsagdan lang pod, hangtud na kini abusahan ug mosamot na hinoon pagdaghan ang mga casino ug ubang sugalan sa tibuok nasud. Ug mangdagku ang atong kabataan ubos sa atmosphere sa panugal.

Mosamot tag katikasan ug kakawatan niini, kun mao kini ang mamat-ag kahayag sa atong mga bata.

Sayud kita nga ang Pagcor, usa sa dakung tinubdan sa panalapi sa nasud, apan at the same time, naduhig kini sa daghang mga anomaliya, nahimo usab nga tinubdan sa corruption. Sa ato pa, kun magpadayon ang corruption, unsa may mahitabo sa mga mahirap?

Apan, matud pa ni Noynoy, iya unang ayuhon ang Pagcor, iya unang i-subject to major, aron maka-command kinig taas nga presyo pagbaligya. Niya pa : “ When you sell a product, you make it look good first, show what it is earning now and is potential earnings in the future so you will get a good price for it. If you sell it now, you won’t get the optimal amount for it.”

Klarohon una ni Noynoy kun nadawat ba gyud gikan sa Pagcor what is due the government. Kay adunay mga taho nga gamay ra kuno kaayo ang mahi-adto sa gobyerno, ug wa mahibaw-i kun diin ug asa paingon ang ubang income sa Pagcor. Busa, iya pa kining ibutang in good shape, sa dili pa kini finally mabaligya.

Kay tingali unyag makaayo sa gobyerno, kun ma-corrected man ang mga giingon nga mga kahiwian niini. Di maayong ibaligya, di ba,Dro? 

Ipa-review usab ni Noynoy ang mga lisensiya nga gihatag sa Pagcor ngadto sa pribadong mga operator niini. Samtang dili supak si Noynoy sa mga hinabang nga madawat sa gobyerno gikan sa sugal, ang iyang nabalak-an mao ang sugal dili productive activity. Ug maoy iyang namatikdan nga dunay mga casino ug mga poker places sa mga dapit nga walay mga langyaw’ng turista.

Ang Pagcor namugna niadtong 1977, ug sa 2007, giamendar ang charter niini, ug gilugwayan ang kinabuhi for another 25 years. Asa paingon ang kita niini?

Five percent sa ilang net winnings, adto paingon sa BIR in the form of franchise tax. Gamay ra paminawon ang 5 percent, apan pila may 5% sa usa ka bilyon ka pesos?

Sa nahibilin nga 95%, 50 porsyento niini, adto paingon sa National Treasury. Laing 5% adto sa Philippine Sports Commission, ug ang 1 percent sa ilang net income, paingon sa Board of Claims, usa ka ahensiya ubos sa Department of Justice nga maoy mo-compensate, sa mga biktima sa wrongful detention ug prosecution.

Ang local government nga maoy nag-host sa casino, adunay fixed nga amount nga ilang madawat alang sa nagkalainlain nilang community development projects. Ug ang tanang subra, adto social fund sa Presidente.

Pangutana: natuman ba ni?