Ang babaye ug kita

Ang babaye nasakpang nanapaw busa pagasilotan siya sa kamatayon. Si Jesus buot nilang biktnon. Kun moingon siya nga dili patyon nan, akusahan si Jesus nga wala magtamod sa mga balaod ni Moises nga si bisan kinsang masakpang babaye nga nanapaw ang batuon hangtud mamatay. Kun moingon si Jesus nga patyon mahimong akusahan siya nga wala’y kaluoy.

Ang resolusyon: Gipunting ni Jesus ang ilang konsensiya ug ang ilang kasingkasing. “Ang si bisan kinsa nga walay sala ang mouna pagbato kaniya!” ug dayon gipahimangnoan niya ang babaye “Ayaw na pagpakasala!” Kun ang tawo usa ka tawo nakasala ang angayang silotan gumikan sa hustisya ug dili bunga sa pagdumot o kasilag. Apan wala pud kini magpasabot nga hikalimtan nato ang elemento usab sa gugma ug kaluoy. Dugang pa kita ang gihagit nga dili maghukom sa uban aron dili pud kita pagahukman. Kini tungod kay kitang tanan mga makasasala man.