EDITORYAL - Fire Prevention Month

Sa makausa pa, atong gisaulog ning buwan sa Marso ang naandan nang Fire Prevention Month.

Ang tumong kun ang buot kab-uton ning maong kasaulogan ang katawhan nasayod na: Ang paglikay sa sunog pinaagi sa pagsunod sa mga lagda nga angay’ng tumanon.

Apan mora kita’g gisugsug sa panahon. Matag saulog nato sa Fire Prevention Month, naay mga dagkong sunog nga mahitabo.

Ironical kaayo. Ang kasulian maoy mahitabo. Apan dili angay nga kita mawad-a’g gana sa pagpadayon sa kasaulogan niining Fire Prevention Month.

Matud pa sa usa ka kanhi daku-dako sa fire department dinhi, “unsa pa kaha kadaghan sa sunog kun wa pay Fire Prevention Month.”   Ni Juanito V. Jabat